1418. März 28. Constantia

Martinus episcopus servus servorum dei Venerabiii fratri . . Episcopo Lubucensi et dilectis filiis . . Decano sancte Crucis Oppoliensis Wrat. dioc. ac . . Scolastico Wratislauiensis ecclesiarum Salutem et apostolicam benedictionem. Religionis zelus, vite ac morum honestas aliaque laudabilia probitatis et virtutum merita, super quibus dilectus filius Michael Zeydil Prepositus Prepositure in Czarnowans alias Domusdei Romane ecclesie immediate subiecte Prem. ord. Wrat. dioc. apud nos fidedigno commendatur testimonio, nos inducunt ut sibi reddamur ad gratiam liberales. Dudum u. s. w. wie in der vorigen Urkunde. Cum itaque postmodum Prepositura predicta, que dignitas Conventualis existit et quam quondam Petrus Borg ipsius Prepositure Prepositus dum viveret obtinebat, per ipsius Petri obitum, qui extra Romanam Curiam diem clausit extremum, vacavisset et vacaret tunc nullusque de illa preter nos ea vice disponere potuisset sive posset, reservatione et decreto obsistentibus supradictis, Nos volentes predicto Michaeli, qui presbiter est, premissorum meritorum suorum intuitu gratiam facere specialem, Preposituram predictam, que a Monasterio sancti Vincentii extra muros Wratislauienses dicti ordinis dependet et per eius Canonicos, cuius idem Michael ut asserit Canonicus ordinem ipsum expresse professus existit, gubernari consuevit, et ad quam consuevit quis per electionem assumi, cuique cura imminet animarum. et cuius fructus redditus et proventus Triginta Marcharum argenti puri secundum communem extimationem valorem annuum, ut idem Michael asserit, non excedunt, sive premisso sive alio quo vis modo aut ex alterius cuiuscunque persona seu per Constitutionem felicis recordationis Johannis pape xxii. predecessoris nostri que incipit Execrabilis vacaret, etiam si tanto tempore vacavisset, quod eius collatio iuxta Lateranensis statuta Concilii ad sedem apostolicam legitime devoluta, aut ipsa Prepositura dispositioni apostolice specialiter reservata existeret et super ea inter aliquos lis penderet indecisa, dummodo ipsius Prepositure dispositio ad nos ea vice duntaxat pertineret, cum omnibus iuribus et pertinentiis suis apostolica eidem Michaeli auctoritate contulimus, et de illa etiam providimus, decernentes prout erat irritum et inane, si secus super hiis a quoquam quavis auctoritate scienter vel ignoranter attemptatum forsan erat tunc vel imposterum contingeret attemptari. Non obstantibus etc., quibus omnibus prefatum Michaelem in assecutione dicte Prepositure voluimus anteferri, sed u. s. w. Aut quod idem Michael, ut asserit, ecclesiam parrochialem in Lossen dicte dioc. noscitur obtinere. Voluimus autem quod idem Michael prout id etiam sponte voluit, quamprimum vigore presentium predictam Preposituram foret pacifice assecutus, prefatam parrochialem ecclesiam quam extunc vacare decrevimus, omnino dimittere teneretur. Quocirca discretioni vestre per apostolica scripta mandamus, quatinus vos vel duo aut unus vestrum per vos vel alium seu alios prefatum Michaelem vel procuratorem suum eius nomine in corporalem possessionem Prepositure iuriumque et pertinentiarum predictorum inducatis auctoritate nostra et defendatis inductum, amoto exinde quolibet detentore, ac facientes ipsum Michaelem vel dictum procuratorem pro eo ad eandem Preposituram ut est moris admitti, sibique de ipsius Prepositure fructibus redditibus proventibus iuribus et obventionibus universis integre responderi. Non obstantibus omnibus supradictis, Seu si eisdem Abbati et Conventibus vel quibusvis aliis comuniter vel divisim a predicta sede indultum existat, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mencionem. Contradictores per censuram ecclesiasticam appellatione postposita compescendo. Dat. Constantie V. Kl. Aprilis, Pontificatus nostri Anno Primo.
V Pro V. Salzeman.
x Auf dem umgeschlagenen Rande:
B. de Vincio.
Arnoldus.
Jo. de Criuellis.
Auf der Rückseite: A. Worchem.
Registrata.

Die Bleibulle hängt an einer Hanfschnur. Im Text sind auffallend viele Correcturen und Rasuren, die jedoch aus der päpstlichen Kanzlei selbst herzurühren scheinen. Aus dem Archiv von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.